| Main » Files » პოეზია(poetry) |
ვაჟა ფშაველა–ლურჯას
| 2011-10-01, 10:48 PM | |
| ლურჯავ, შენც გრძნობა გქონია, როგორც კაცს, ადამიანსა: ბარით რო მთაში წამოვალ, შენ დროს ახანებ გვიანსა, მუხლში ქარს ჩამაიყენებ, დაემსგავსები ნიავსა. არ აბედენებ კლდე-ღრეებს, მკერდს იქნევ ყალამქრიანსა, შენც გული გიგებს, ტიალო, მივალთ სამშობლოს მთიანსა, კლდეზედაც კარგა მიჰფრინავ, უგზოს გზასა ჰქმნი გზიანსა. გულით მაშორვებ ვარამსა, ვარამსა ათასფრიანსა, არწივის ფრთეებს შეასხამ ჩემს ფიქრსა მრავალ-ფრთიანსა. მაყვარვებ უდაბურს ადგილს, ჭიდროსა, ნადირ-მგლიანსა, გვიან ზაფხულის მნახველსა, მწირსა და მოკლე-სთვლიანსა, - ადგილს უმთვაროს, უმზეოს, ჩვენ რომ ვეძახით მზიანსა! | |
| Views: 509 | Downloads: 0 | Rating: 5.0/1 | |
| Total comments: 0 | |